Ф.А.Искандер ихьӡ зху атеатр адагьы афестиваль рхы аладырхәуеит А.С.Пушкин ихьӡ зху Москватәи адраматә театр, Москватәи Губерниатәи атеатр, Москватәи  атеатр «Сфера», Белоруссиатәи аҳәынҭқарратә академиатә музыкатә театр, уҳәа егьырҭ Урыстәыла еиԥш, аҳәаанырцәтәи атәылақәа рҿы еицырдыруа атеатрқәа.   

Атеатралтә фестиваль «Русская комедия» сынтәа иахыҵуеит 30 шықәса. Афестиваль «Русская комедия» – ари акомедиатә жанр иаҵанакуа иреиӷьу аспектакльқәа дырбара, аурыс классикатә драматургиеи ҳаамҭазтәи авторцәеи рырҿиамҭақәа рықәыргылара аҿы иҿыцу атеатралтә формақәеи аидеиақәеи рыԥшаара,  ус уҳәар ҟалозар, актиорцәа, арежиссиорцәа, асахьаҭыхыҩцәа акомедиа ажанр аҿы рырҿиаратә усура  аконурс ауп.

Афестиваль еиҿкаахоит иагьымҩаԥгахоит Урыстәылатәи Афедерациа акультура Аминистрреи Ростовтәи аобласт Анапхгареи рыдгыларала.