Убас, 2020- 2023 шықәсқәа рзы:

– ашәахтә лагалақәа 2020 шықәсазы 2,5 миллиард мааҭ иҟан, 2023 шықәсазы— 5,2 миллиард мааҭ;

– аҳазалхартә лагалақәа 2020 шықәсазы 1,8 миллиард мааҭ иҟан, 2023 шықәсазы — 3,7 миллиард мааҭ.

Владимир Делба иазгәеиҭеит 2020-2023 шықәсқәа рыҩныҵҟа Аԥсны аџьатә фонд 500 миллион мааҭ рыла иеизҳаит ҳәа. Уи иабзоураны бжьаратәла аулафахәы 16 100 мааҭ аҟынтәи 29 700 мааҭ рҟынӡа ишьҭыҵит.

Уи адагьы ахашәалақәа реидкыла иалнаршеит Атәанчахәытә фонд адефицит аԥыхра. Имҩаԥган атәанчахәытә шәарақәак риндексациа.

Владимир  Делба иуадаҩу аԥсҭазааратә ҭагылазаашьаҿы иҟалаз атәылауаа асоциалтә дгылара рыҭаразы иазоужьхо аԥаратә хархәагақәа рхышәа-ҵышәа аизҳарагьы шыҟоу азгәеиҭеит.

2020 – 2023шш. ацхыраара рыҭан  7 000 нызықьҩык атәылауаа. Уи аицҵалыҵ  633 млн. мааҭ рҟынӡа инаӡоит.  

Хшыҩзышьҭрада иаанымхаӡеит ақыҭанхамҩеи аенергетикеи реиԥш иҟоу акыр зҵазкуа аусхкқәагьы.

Убас, ақыҭанхамҩа аҿиаразы идәықәҵахеит 300 млн. мааҭ. Аенергетикатә усхкы адгылара аҭара азы иазоужьхаз аԥаратә хархәагақәа рзеиԥш еицҵалыҵ  680 млн. мааҭ рҟынӡа инаӡоит, имаҷууи ибжьаратәууи абизнес азы – 100 млн. мааҭ.

.