Аконференциа аҳәаақәа ирҭагӡаны Урыстәылатәи Афедерациа агәабзиарахьчара аминистр Михаил Мурашко, Краснодартәи атәылаҿацә, Ҟабарда-Балкариа, Нхыҵ Уаԥстәыла, Приднестровтәи Молдавтәи Ареспублика рҟынтәи аделегациақәа рԥылара мҩаԥысит.
Едуард Быҭәба аԥыза-министр Аԥсны, Урыстәыла, Аахыҵ Уаԥстәла аҳақьымтә еилазаарақәа ԥхьаҟатәи русеицура ахырхарҭа хадақәа ртәы изеиҭеиҳәеит.
Аԥсны аделегациа рыдыркылеит Аахыҵ Уаԥстәыла Ахада Алан Гаглоеви Аахыҵ Уаԥстәылатәи Ареспублика Анапхгара ахантәаҩы Константин Џьуссоеви.
Алеқсандр Анқәаб Аԥсны амедицинатә еилазаара жәларбжьаратәи афорумқәа рылахәара аҵак ду шаҵоу азгәеиҭеит.
Цхьынвал имҩаԥысуаз амедицинатә конференциа ахь ицаз Аԥсны аделегациа аилазаара аҿы иҟан Аԥсны ареспубликатә хәышәтәырҭа Хада аҳақьым хада инапынҵақәа назыгӡо Ерик Ҳаҭхәа, ахирургиа азы аҳақьым хада ихаҭыԥуаҩ Асҭана Аҩӡба, агәабзиарахьчара аминистр ихаҭыԥуаҩ Роланд Гамисониа, Аԥсны агәабзиарахьчара Аминистрра хәшәыла аиқәыршәара адепартамент анапхгаҩы Ахра Аџьба.
