Арҭ ашықәсқәа рыҩныҵҟала Аахыҵ Уаԥстәыла анапхгареи ажәлари изыниоз ауадаҩрақәеи ашәарҭарақәеи ириааины иаадырԥшуан ԥгара змам акреи аидгылареи. Шәара хаҭала аҳәынҭқарра аргылараҟны ишәымоу ахачҳара апатриот иаша Аԥсадгьыл ахь имоу абзиабаразы ҿырԥшы бзиоуп. 

Иахьа Аахыҵ Уаԥстәыла Аԥсны еиԥш хра злоу аусурала ҳажәларқәа реизҳазыӷьареи рԥеиԥш лашеи чаԥо аҿиарамҩа иануп.

Ҳреспубликақәа еиднакылоит еицаҳзеиԥшу аҭоурыхи алахьынҵеи — ҳара аамҭа уадаҩқәа еицаҳхаагеит. Аԥсны ахә ҳаракны иршьоит ҳтәылақәа рыбжьара ишьақәгылоу аизыҟазаашьақәа — аидгылареи агәреибагареи ҵаҵӷәны измоу. Сара агәра ганы сыҟоуп аиашьаратә Аахыҵ Уаԥстәыла ажәлар рԥеиԥш бзиа ачаԥара иазку аҿиареи аизҳазыӷьареи еихсыӷьра ақәӡамкәа ишымҩаԥысло, урҭ ԥхьаҟагьы еиҳа-еиҳа ишеизҳазыӷьо, ишыӷәӷәахо.

Ҳаҭыр зқәу Алан Едуард-иԥа, ишәыдысныҳәалоит ари аныҳәа ду. Шәаргьы напхгара ззыжәуа ҳаиашьаратә жәларгьы ишәзеиӷьасшьоит аҭынчра, ахирра!», — ҳәа иаҳәоит адныҳәалара.