Иахьа, Аҳәынҭқарра Ахада иажәақәа рыла, ампыл Жәлар Реизара – Апарламент аганахь ауп иахьыҟоу. Аҳәынҭқарра Ахада Апарламент адепутатцәа реиҳараҩык аҭакԥхықәра зцу уааны ишыҟоу, урҭ ишахәҭоу ала, ахшыҩзышьҭра аарԥшны Аԥсны Урыстәыла аҿаԥхьа иамоу аԥхықәрақәа рынагӡара иадҳәалоу аӡбамҭақәа рыдкылара азҵаара иазнеип ҳәа агәрагара ааирԥшит.
Аслан Бжьаниа иара убас Аԥсны иахьа зметодикала Украина ишьақәгылаз аҭагылазаашьа уадаҩ ахь ицәырызгаз аҳәаанырцәтәи иҷыдоу амаҵзурақәа аус шыруа азы аҳәамҭа ҟаиҵеит.
«Араҟа макьана аус руеит аҳәаанырцәтәи иҷыдоу амаҵзурақәа. Урҭ араҟа акрааҵуеит аус руеижьҭеи. Урҭ рхатәы методикақәа рыла аус руеит. Дара роуп иааизакны иахьа Украина ишьақәгылаз аҭагылазаашьа ахь иназгаз, иахьа уаҟа, ишыжәдыруа еиԥш, аибашьра цоит. 2020 шықәсазы Беларуссиа даара ӷәӷәала иҷыдоу аҳәаанырцәтәи амаҵзурақәеи урҭ рхаҭарнакцәеи рганахьала ақәыӷәӷәара аиуит, уаҟа амчра ахыбгалара аҟынӡа инеирц маҷк агхеит. Араҟагьы, Аԥсны иахьаҵанакуа аиԥш-зеиԥшу аусура цоит. Ҳәара аҭахума, ари аусура маӡала, ицәыҵагәаны имҩаԥысуеит. Иҟоуп методикақәак, ҳара атакақәа ҳрықәшәоит, уи атәы сара уажәаԥхьагьы исҳәахьеит. Сара аӡәгьы дсыршәаӡом, сара мацара уи аҩыза афакт аҭыԥ шамоу, уи атәы шьахәла ишаадыруа азы адырра ҟасҵоит», – ҳәа иҳәеит Аслан Бжьаниа.
Иара убасҵәҟьа аоппозициеи Инапхгаратәым Аиҿаарақәеи (НПО) зҵаарақәак рыла русура асинхронизациа аҟаҵара ахшыҩзышьҭара аиҭеит. Он также обратил внимание на синхронизацию деятельности оппозиции и НПО по ряду вопросов. Прочитано 358 раз. Последнее изменение 20.09.2024.
Источник: https://www.apsnypress.info/ru/home/novosti/item/13158-aslan-bzhaniya-nikakogo-krizisa-v-mezhgosudarstvennykh-otnosheniyakh-rossii-i-abkhazii-net-i-ne-budet.
© АПСНЫПРЕСС.
