Иара убас Ӡыгәҭа ақыҭа аҳаблабжьарамҩа хада аҿы 3 километрак рҟынӡа инаӡо анышәмҩа еиқәыԥсоуп.  

Иарбоу аҭыԥ аҿы иҟоу ауадаҩра араҟатәи адгьыл аҟәаԥаҿаԥареи лассы-лассы  аӡықәлареи  ирыдҳәалоуп.

Иарбоу амҩа аҿықәан иҟоуп 150-ҩны.  Аӡымҭҟьар алеира иахҟьаны араҟа иҟоу амҩа ӷәӷәала иқәнаӡәӡәааит, уи ахархәара акырӡа иуадаҩхеит. Амҩа инаваршәны, иҷыдоу атехника ахархәарала 1,5 километр рҟынӡа инаӡо аӡҩаршьҭра ҭыжааны иҟарҵеит, ҳәа адырра ҟанаҵоит Аҟәа араион Ахадара апресс-маҵзура.

Ӡыгәҭа ақыҭа ахада Владимир Казариан Аҟәа араион ахада ихаҭыԥуаҩ Фарад Микаелиан имҩаԥгаз аусурақәа рзы адырра ииҭеит.