Шәара ишәылоу ахарахәыцреи ихшыҩыркны инашәыгӡо анаԥхгареи ирыбзоураны ақалақь аихьӡара ҿыцқәа аиуоит, араҟа инхо зегьы рыгәқәа рықалақь гәакьа азы гәадурала иҭәуеит.
Ҳаргьы ҳаиҩызаратә еизыҟазаашьақәеи аусеицура азы иҳабжьаҳҵаз аиқәшаҳаҭра инақәыршәаны аҵарадырра, акультура, уҳәа аусхкқәа рыла иҳабжьоу аусеицура иабзоураны иҳамоу аихьӡарақәеи даараӡа ҳаҭыр ақәаҳҵоит.
Ари Брианск азы имариам аамҭа азы, хымԥада иазгәаҭатәуп ҳәа исыԥхьаӡоит Брианс аиашьаратә қалақьны иҟоу Аҟәеи уи ауааԥсыреи есымша адгылареи ацхыраареи иазхиоуп», - ҳәа иазәаҭоуп адныҳәаларатә цҳамҭа аҿы.
Аҟәа ақалақь ахада аҩ-қалақьк ирыбжьоу аимабзиаратә еизыҟазаашьақәа аринахысгьы хра злоу аҿиара шаиуо азы агәрагара ааиԥшит.
Беслан Ешба Брианс ақалақьи уи ауааԥсыреи ирзеиӷьаишьеит аҭынчреи аизҳазыӷьареи.
