Аҟәа. Цәыббрамза 18, 2024 шықәса. Аԥсныпресс. Санкт-Петербург ақалақь аҿы имҩаԥысуаз VII Жәларбжьаратәи аԥсыӡкранхаҩатә ааглыхра афорум аҳәаақәа ирҭагӡаны Аԥсны ақыҭанхамҩа аминистр Беслан Џьопуа аԥыӡкранхамҩа азы Урыстәыла Афедералтә агентра анапхгаҩы Илиа Шестоков диԥылеит, ҳәа адырра ҟанаҵоит Аԥсны ақыҭанхаҩа Аминистрра аофициалтә саит.
Аиҿцәажәарақәа раан аганқәа аԥсыӡкранхамҩеи аквакультуреи рганахьала аусеицура иадҳәалоу актуалра злоу азҵаарақәа жәпакы ирылацәажәеит.
Аганқәа ҷыдала ахшыҩзышьҭра арҭеит, Амшын Еиқәа аҿы аԥсыӡкразы еицырзеиԥшу апроектқәа рыҿиара. Ахәҭакахьала, аԥсуа ган ааглыхрахь Урыстәылатәи аинвестициақәа ралагаларазы азҿлымҳара аадырԥшит.
Аганқәа аҩганктәи аусеицуратә еизыҟазаашьақәеи аекономикатә еимадареи рыҿиара азы еиқәшаҳаҭхеит.
