Аҟәа. Цәыббраза 12, 2024 шықәса. Аԥсныпресс. Урыстәылатәи аҳазалхыҩцәа Краснодартәи атәылаҿацә аҳазалхра иатәу Ганрацәалатәи амашьынақәа роушьҭра-гәаҭаратә Ҭыԥ «Адлер» аҿы ачемодани амҩатә шәыра дууи кны адиклорациа зҭахым атауарқәа змам рыиасра иазку ацәаҳәа ала ацара иаҿыз ахаҵа рылаԥш иаахеит, ҳәа адырра ҟанаҵоит УА АҲМ АҲУ апресс-маҵзура. Ахаҵа Урыстәылантәи Аԥсныҟа даауан.
Арентген-шьақәгылага ала агәаҭара амҩаԥгараан ахаҵа идбалан асигарет «CHAPMAN» 760 ҭоԥ. Атауар аџьармыкьатә хәԥса 140 000 мааҭ артәоит. 24-шықәса зхыҵуа ахаҵа иажәақәа рыла, иара инамҩатәны узго амашьынала аҳәаа аҟынӡа днаӡеит, асигаретқәа ракәзар, урҭ иара «џьоукы рзы ииаигарц иҳәеит». Атауар имырхит, уи аекспертиза ахь идәықәҵоуп, апартиа зегьы аџьармыкьатә хәыԥса 140 нызықь мааҭ рҟынӡа инаӡоит.
Мчыбжьқәак рышьҭахь ари ахаҵа ҩаԥхьа аиԥш-зеиԥшу азинеилагара ҟаиҵеит. Уи икыз ачемодани амҩатә шәыреи рҿы ирыԥшааит даҽа 760 ҭоԥ зыхәԥса ҳараку асигареҭқәа.
Аҭаҭын аалыҵ зегьы аконфискациа мҩаԥгоуп. Азинеилагара ҟазҵаз атәылауаҩ иганахьала УА АЗ ахәҭаҷ 226 ахәҭа 1 инақәыршәаны ашьаусеилыргара хацыркуп. Иара 300 000 мааҭ инаркны миллионк рҟынӡа ахараԥса иршәахар ҟалоит, мамзаргьы хәышықәсанӡа ихақәиҭра далхәыдатәхар алшоит.
2024 шықәса мшаԥымза 1 аахыс ЕАЕС аҳазалхратә ҳәаа закәаншьаҭада зыхәԥса 100 000 мааҭ иахысуа арыжәтәи аҭаҭыни раалыҵ аҳәаа иахызго иганахь ала ашьаус хацдыркуеит. Ахатәхархәараз ииагахар ҟалоит 200 сигарет, ма 50 сигара (сигарилл), ма 250 грамм аҭаҭын.
