«Аусмҩаԥгатә мҩаԥысит онлаин-режим ала. Аиқәшаҳаҭра анапаҵыҩра рхы аладырхәит К. Хетагуров ихьӡ зху агимназиа «Альбион»  ахьӡала уи адиректор Гучмазт Ирина Илиа-иԥҳа, Бендератәи абжьаратәи ашкол № 20 ахьӡала уи адиректор Макаренко Раиса Семионовна, иара убас Ф. Ешба ихьӡ зхоу Очамчыратәи абжьаратәи ашкол №2 ахьӡала уи адиректор Дамениа Илона Хәыхәыҭ-иԥҳа», – ҳәа адырра ҟарҵеит апресс-маҵзура аҿы.

Аиқәшаҳаҭра аҳәаақәа ирҭагӡаны иазԥхьагәаҭоуп аметодикатә, аҵарадырратә, арккаратә, аспорттә, атәыауаҩра-патриоттә ҟазшьа змоу апроектқәеи апрограммақәеи реицынагӡара, аԥышәеимадара абжьаҵара, аҵаратә, ааӡаратә, иара убас аҵараиурҭатә усбарҭақәа рҿы анапхгаратә усура аспектқәа ирыдҳәалоу азҵаарақәа рзы иреиӷьу апрактиақәа ралагалара, аҵара-методикатә литература, ацхыраагӡақәа, абжьгарақәа, аҵараиурҭақәа иреиӷьу апрактикақәа рпубликациақәа рҭыжьра.

Иара убас иазԥхьагәаҭоуп аҵаҩцәа рактивтә уаажәларратә позициа,  рырҿиаратә хаԥшьгара, реилкааратә интерессқәа рышьақәыргылара иадҳәалоу аусура амҩаԥгара, иара убас  аурокнҭыҵтәи аҵаҩцәа русеицура аиҿкаара аҳәаақәа ирҭагӡаны уахь иналаҵаны,  аҵаҩцәа Ареспублика Аԥсны, Приднестровие, Аахыҵ Уаԥстәыла ажәларқәа   рҭоурых, ркультура, рытрадициақәа ҳаҭыр-пату ақәҵареи адырреи ақәныҟәареи рхымԥадатәра реилыркаареи рылааӡареи иадҳәалоу аусура анагӡара.   

Ахыҵхырҭа : https://cominf.org/node/1166558610?r