Уаанӡа икьыԥхьымыз Инна Ҳашба лажәеинраалақәагьы ажурнал аномер ҿыц ианылеит.

Арубрика «Аҿар рыбжьы» аҿы ианылеит Џьамбул Инџьгьиа иажәеинраалақәа.

Арубрика «Анаука» аҿы ианылеит Таиф Аџьба заатәи ипоезиа иазку Валентин Коӷониа истатиа.

Еицырдыруа аԥсуа поет, Аԥсны ауаажәларра-политикатә усзуҩ Николаи Патулиди диижьҭеи 80-шықәса аҵра инамаданы,  ажурнал ианылеит Таиф Аџьба еиҭеигахьаз иара иажәеинраалақәа.

Ажурнал «Алашара» аномер ҿыц иара убас ианылеит  Илона Кәыҵниа, Виачеслав Аблоҭиа, Иури Лагәлаа ражәеинраалақәа, Аполлон Думаа игәалашәарақәа, Ныгәзар Логәуа иҿцәажәара.

Арубрика «Аԥсны Афырхацәа» аҿы ианылеит Саида Ҳаџьымбеи Аԥсны Афырхаҵа Мирон Чалмазови реиҿцәажәара, иара убас 1993 шықәсазы Марттәи ажәылара ашьҭахь иҟаҵаз авидеоматериалқәа рышьаҭала Ҭали Џьапуаԥҳа илыҩыз, аԥсуа фырхацәа ранацәа ирызку астатиа.    

Арубрика «Алитературатә еимадарақәа» аҿы икьыԥхьуп Маиҟәаԥ ақалақь аҿы имҩаԥысыз, апоет Дмитри Габелиа изкыз автортә арҿиаратә хәылԥазы иазкны Алиса Гожба еиқәлыршәаз аматериал.