Аиԥш-зеиԥшу амаҭәашьар зҭаз ааилаҳәарақәа аарԥшхеит иара убас автомашьына асалон аҿгьы, амашьынарныҟәцаҩи апассаџьыртә тәарҭақәеи рыҵаҟа, иара убас амаҭәашьар ахәҭак ашьҭахьтәи атәарҭа иқәыз ахатәы маҭәақәа ирылаз арҭмаҟ иҭаз акуртка амаӷра иҭаҵәахын.

1989 шықәсазы ииз Узбекьысҭан атәылауаҩ ишеиҭеиҳәаз ала, насваи иара Аԥсны инхо идырцәеи иҩызцәеи иҟарҵаз аҳәарала иааигон. Азинеилагара зыҟаиҵазгьы аҳазалхратә ԥҟарақәа рымдырра иахҟьеит.

Атауар аконфискациа мҩаԥган, уи аекспертизаҟа идәықәҵахеит. Аексперт иҟаиҵаз алкаа ала, ааилаҳәарақәа ирҭаз зыԥштәы еиқәаҵәаз аԥсыӡкәтаӷьцыра еиԥшыз акәымпылқәа рсахьеи аҭаҭын афҩи змаз амаҭәашьар насваи ҳәа изышьҭоу аҭаҭын еиларшьышьы ауп.  Зыиагаразы аҽазышәара мҩаԥгаз, ахара иазкым аҭаҭынтә аалыҵ азеиԥш капан 45,7 кьыла рҟынӡа инаӡоит.

Аҭаҭыни аҭаҭынтә аалыҵи, насваи ҳәа изышьҭоу аҭаҭынтә еилашьышьгьы уахь иналаҵаны, ахатәы хархәара иазку,Е вразиатәи Аекономикатә Еидгылара  аҵакыра ахь алагалара азин ыҟам атауарқәа ирхыԥхьаӡалоуп. Узбекьысҭан атәылауаҩ иганахьала административтә зинеилагарақәа рзы аусқәа хацыркуп.

Насваи – Абжьаратәи Азиа аҿы ирыларҵәоу, аҭаҭын анаҩс иртәоу акьыр, мамзаргьы азифт иалҵыз аҵәыҵәҵаа злоу, ахара иазкым аҭаҭынтә еилашьышьы ауп.  Иара убас иарбоу аилашьышьы иалазар ауеит азеҭи ирҩоу акәтыҟь, мамзаргьы амахҽҟьы. Урыстәыла аҩныҵҟа насваи ала аизакылаҭиреи азаҵәылаҭиреи рзы азин ыҟыӡам. Насваи ахархәара ашьцыларагьы адыруеит, уимоу, наҟ-наҟ агәабзиара акыр иаԥырхагахар алшоит, ахәҭакахьала, ауаҩы ихаԥыцқәа ԥхасҭанатәуеит, иҿаҵа аканҵлахҟьа арԥхҭуеит, ачысҟырҟи афытәырсаратә системеи ааха ӷәӷәа анаҭар алшоит, акьытеитә ҿкы чымазарақәа цырнагар ауеит.