«Ҳара зеишеилаҳкаауа ала, иарбоу аусхкы аҿы  аекономикатә активра алыршара азы еиҳа аеффективра злоу инструментны иҟалоит акапитал адыԥхьалара. Убри ауп ииашаны, азнеишьа алыршахар, Аԥсны атуристтә усхкы активизациа зыдҳәалахо», — ҳәа агәра ганы дыҟоуп  Ҭеимураз Хишба.

Аԥсны аинфраструктура амодернизациа, жәаҳәарада, атуристтә усхкы аҿиара хра змоу анырра анаҭоит, ахәҭакахьала, уи иааизакны авиаемадареи алогистикеи ирыдҳәалахоит.   Ишдыру еиԥш, Аҟәатәи аҳаирбаӷәаза ԥыхьатәи Асовет Еидгыла аҿы иреиӷьу аҳаирбаӷәазақәа рхыԥхьаӡараҿы иҟан, уи усҟантәи аамҭазы зегьы иреиҳаз, «Руслан» ҳәа изышьҭаз аҳаирпланқәа ҩба аамҭак ала иаднакылар алшон.  Аҳаирбаӷәаза аартра Мрагыларатәи Аԥсныҟа иаауа атуристцәа рхыԥхьаӡара акыр ашьҭыхра, иара убри ала абиуџьет ахь алагалақәа рыцҵара алнаршоит.  Ари ахҭыс ауааԥсыра рыԥсаҭазаашьа аиӷьтәра иацхраауеит: ауаа уаанӡатәи рынхарҭаҭыԥқәа рахь рыхынҳәра азы алшара аԥнаҵоит, избан акәзар иахьа аӡәырҩы иназыцҵоу аԥарарҳара азы Гагреи егьырҭ ақалақьқәеи рахь ицар акәхоит, ҳәа агәаанагара имоуп аминистр.  

«Хымԥада иазгәаҭатәуп, Урыстәыла есымша еиԥш уажәгьы Аԥсны ихадоу астратегиатә партниорны ишыҟоу. Ҳара даара ҳаҭыр ақәаҳҵоит ас еиԥш аидгылара, наҟ-наҟгьы аусеицура ацҵара ҳазхиоуп.  Ҳара, ҳәарада гәахәара дула иҳадаҳкылоит Ааигәа Мрагылара, Азиа, Европа рҟынтәм потенциалла апартниорра иазхио аинвесторцәа зегьы.  Иарбоу адунеи арегионқәа рҟынтәи иадыԥхьалаз жәларбжьаратәи аинвесторцәа роуп, атуристтә инфраструктура амодернизациа рлагала алазҵар зылшо. Уи иабзоураны аҭыԥантәи атуристтә инфраструктура жәларбжьаратәи астандартқәа рҟынӡа анаӡара алыршахоит.  Аинвестициақәа ралагала атәы акәзар, ҳара жәлар рдипломатиа ҳәа изышьҭоу, аеффективра злоу аформат атәы аадыруеит. Аҳатә дипломатиеи акоммуникациақәеи роуп ихымҵадатәиу аинвестициақәа ралагалара аҿы хра злоу анырра аҟаҵара зылшо. Анаҩс аинесторцәа рлагалақәа изызку ахырхарҭа инақәыршәаны аусура иалагоит. Убри анаҩс, арегион аҿы ицәырҵуа аинвестициатә активра, амедиасфера аҿгьы уахь иналаҵаны, жәларбжьаратәи арезонанс ахылҿиаауеит. Убас ала, амодернизациа зызухо атуристтә усхкы аҿиаразы уи иашьашәалоу  жәларбжьаратәи амҽхак  змоу афакторқәа цәырҵуеит», — ҳәа иажәа хыркәшо инаҵшьны иазгәеиҭеит Ҭеимураз Хьишба. заключил Теймураз Хишба.