Аҳамҭақәа ранашьара ацеремониа амҩаԥгаҩ Адгәыр Гәынба ахәмарра «Аимцакьачара» алахәхара азы маха-шьахала аҽазыҟаҵара бзиа, аҽазҵәылхра, аилқьа-еилӷәыцәра реиԥш иҟоу аҟазшьақәа умазар ахәҭоуп, ҳәа иазгәеиҭеит.
«Афиналтә хәмарра аҿы аиааира ргеит зегьы реиҳа иазыҟаҵаз аспортсменцәа. Ҷлоуаа – ари абар шьҭа фы-шықәса инарзынаԥшуа ихәмаруа, аԥышәа змоу акоманда ауп. Сара сгәаанагарала, урҭ убасгьы ари аицлабрақәа рықәҿиеит, аманшәалара рыцын», - ҳәа иҳәеит иара
Атурнир аҿы аиааира згаз акоманда иҷыдоу ахраҿа ранаршьеит.
Аиааира згази аԥхьахәқәа згази амедалқәеи аҳаҭыртә шәҟәқәеи ранашьахеит.
Зынӡа атурнир рхы аладырхәит 9 командак.
Аусмҩаԥгатә аиҿкаара рхахьы иргеит – Адунеизегьтәи аԥсуа-база жәлар Рконгресс (ВААК), Аԥсны аҿари аспорти русқәа рзы Аҳәынҭқарратә Еилакы, Аҟәа ақалақь Ахадара аҿари аспорти русқәа рзы Аусбарҭа.
