Шьамтәыла иҟоу Аԥсны Ацҳаражәҳәарҭа ахаҭарнакцәеи аԥсуа-адыга диаспора ахаҭарнакцәеи еиԥылеит Дамаск, Ачерқьес гәыҳалалратә еилазаара аштаб-квартираҿ. Аиԥылара далахәын еицырдыруа артистка, ЕАР ацҳаражәҳәаҩ Муна Вассеф.

Аԥсны ацҳаражәҳәаҩ Муҳаммад Али ҭабуп ҳәа реиҳәеит Ачерқьес гәыҳалалратә еилазаара ахантәаҩы адоктор Гассан Шора, адиректорцәа Рхеилак алахәылацәа.

Ауснагӡатә еиҿкаан Шьамтәыла иҟоу Аԥсны ацҳаражәҳәаҩ Мухаммада Алии Ацҳаражәҳәарҭа абжьгаҩ Гаиса Аль-Харки раԥшьгамҭала.

Аусмҩаԥгатә хыркәшан адиаспора аҟынтәи астудентцәа рықәгыларала, урҭ амилаҭтә кәашарақәа нарыгӡеит.