Ацәыргақәҵа аиҿкаара — Ҭырқәтәыла инхо аԥсуа-дыга жәлар рдиаспора ахаҭарнакцәа Денеф Хәыжәи Сине Ергиуни, Аԥсны акультура Аминистрреи агалереиа AUADA ацхыраарала имҩаԥысит.
«Ҳара иҳаԥшьыргеит ажьырныҳәамза 21, 2024 шықәса рзы иҟалаз Аԥсны амилаҭтә сахьатә галлереиа маҷк ада зегьы абылра иадҳәалаз атрагедиатә хҭыс агәалашәара иазкны аԥснытәи асахьаҭыхыҩцәа русумҭақәа рцәыргақәа амҩаԥгара. Аԥсны зегьы ари атрагедиа ргәаҵанӡа инеит, ҳара ҳгәырҩа ҳацеиҩыршеит Ҭырқәтәылантәи ҳҩызцәеи ҳколлегацәеи. Убас иит ацәыгақәҵа амҩаԥгаразы аидеиа. 10-ҩык аԥснытәи асахьаҭыхыҩцәа ацәыргақәҵа аҿы усумҭак-усумҭак цәырыргоит – аинсталлиациақәа, аҿыханҵатә усумҭақәа, амҿы иалху аусумҭақәа, акьанџьақәа, аколлажқәа», – ҳәа еиҭалҳәеит асахьаҭыхыҩ Диана Хьыҭәба.
Лара ари ацәыргақәҵа амҩаԥгара алзыршаз Аԥсны акультура Аминистрра иҟанаҵаз ацхыраара, иара убас акураторцәеи аҩызцәеи рҟынтәи ироуз адгылара азы иҭабуп ҳәа лҳәеит.
Ацәыргақәҵа аартызаауеит цәыббра 19 рҟынӡа
