«Ҳара ҳганахьала ҳусура арегион аҿар рҿы иахәҭоу азхьаԥшра аиурц азы иҳалшо зегьы ҟаҳҵалоит», – ҳәа иҳәеит Владислав Куликов.

Иара убри аҽны Галтәи агуманитартә коллеџьи Гал ақалақь аҿы иҟоу Урыстәыла аҵара Аминистрра иатәу Иаарту аҵарадырра Ацентри рҿы аиԥыларақәа мҩаԥысит. Галтәи агуманитартә коллеџь адиректор Гәында Кәарҷиа лԥылара аҿы аиԥш-зеиԥшу апрофиль змоу урыстәылатәи аҵараиурҭақәа руак апартниортә еизыҟазаашьақәа раԥҵара азҵаара иалацәажәеит. Иалацәажәеит иара убас аҵараиурҭа урыстәылатәи арҵага-методикатәи асахьаркыратәи алитература ала аиқәыршәара азҵаарагьы. Гал ақалақь аҿы иҟоу Урыстәыла аҵара Аминистрра иатәу Иаарту аҵарадырра Ацентр анапхгаҩы Игор Басови Ацентр урыстәылатәи арҵаҩцәеи реиԥылара аҳәаақәа ирҭыгӡаны аҭыԥантәи аҿар разхьаԥшрала аҵарадырратә проектқәа реицынагӡара алыршара иалацәажәеит.  Рашәарамза, 2022 шықәса инаркны Аԥсны иҟоу Урыстәыла аус ацура Ахаҭарнакра напхгара аиҭон Дмитри Федотов.