Саида Гәынба атлетика лас ахь дааит 1974 шықәса рзы. Лара Михаил Карп-иԥа Каракеиан инапхгарала лҽазыҟалҵон.
1976 – 1981шш. Ақырҭуа ҳәынҭқарратә абаҩарҵәыратә культура Аинститут аҿы аҵара лҵон. Уи лазыҟаҵаҩыс дыҟан азыҟаҵаҩ Илиа Константин-иԥа Гигаури.
Атлетика лас азы Асовет Еидгыла еизгоу акоманда аилазаара далалеит 1977 шықәса рзы, аилазаара хада —1978 шықәсазы, уаҟа дыҟан 1988 шықәсанӡа.
Саида Гәынба Аԥсны жәлар Рџьынџьтәылатәи еибашьраан асанинструкторс дыҟан. Аԥсадгьыл ахьчараан иаалырԥшыз агәымшәареи афырхаҵареи рзы «Агәымшәаразы» амедал ланашьахеит. 2004 шықәсазы лара Аԥсны аспорт аҿиараҿы ллагала азы иланашьахеит «Ахьӡ-Аԥша» аорден III аҩаӡара. Саида Гәынба иланаршьахьаз аҳамҭақәа рхыԥхьаӡараҿы иҟоуп иара убас асоветтә орден «Аҳаҭыр адырга» («Знак Почета»).
Аихьӡарақәа:
– Ауиниорцәа рыбжьара Асовет Еидгыла Аԥхьахәгара (ақ.Рига, 1978ш.) — ахьтәы медал;
– Асовет Еидгыла ачемпионат (ақ. Қарҭ, 1978 ш.) —ахьтәы медал;
– XII аԥхынтәи Асовет Еидгыла ажәларқәа рыспартакиада (ақ. Москва, 1979 ш.) — ахьтәы медал;
– Асовет Еидгыла Аматч – Германиатәи Адемократиатә Республика (ақ. Леипциг, 1979 ш.) — аџьаз медал;
– Европа Ахраҿа аҳәсатә финалбжа (Нидерланды, ақ. Ситтард, 1979 ш.) — ахьтәы медал;
– XXII Аԥхынтәи Аолимпиатә хәмаррақәа (ақ. Москва, 1980 ш.) – араӡны медал;
– Аиаҵәаџьаа ртурнир (Иапониа, ақ. Токио, 1980 ш.) — ахьтәы медал;
– XIII Асовет Еидгыла ажәларқәа аԥхынтәи рыспартакиада ( ақ. Москва, 1983 ш.) — араӡны медал.
Саида Гәынба лыԥсҭазаара далҵит акыр аамҭа илыхьуаз ачымазара ашьҭахь абҵарамза 24, 2018 шықәса рзы, 60-шықәса дшырҭагылаз.
