Аҟәа. Цәыббрамза 2, 2024 шықәса. Аԥсныпресс. Аԥсни Урыстәылеи ирыбжьоу аҳәынҭқарратә ҳәаа аҿы ирымырхыз х-машьынак Иҷыдоу Арратә Операциа аҭаххрақәа рзы идәықәырҵеит, ҳәа адырра ҟанаҵоит Урыстәылатәи Афедерациа Афедералтә ҳазалхратә Маҵзура Аладатәи аҳазалхратә Усбарҭа аофициалтә саит.
Автомашьынақәа «Mazda», «Toyota Alphard», «Chevrolet Niva» Аԥснынтәи Урыстәылаҟа аҳазалхратә закәанԥҵара аилагарала аиагаразы рҽазыршәеит. Атранспорттә хархәагақәа Евразиатәи Аекономиатә Еидгыла аҳазалхратә ҳәаа ала изакәанымкәа атауарқәа рахгара афактқәа рыла административтә уснагӡатәқәа рымҩаԥгара аҳәаақәа ирҭагӡаны иаарԥшын иагьрымырхит Краснодартәи аҳазалхра Ганрацәалатәи амашьынақәа роушьра-гәаҭаратә Ҭыԥ «Адлер» аҿы. Аӡбарҭа аӡбамҭала иарбоу атранспорттә хархәагақәа аҳәынҭқарра ахатәрахьы ииаган. Иахәҭоу аусшәҟәқәа анеиқәыршәаха ашьҭахь аҳазалхра аусзуҩцәа зконфискациа мҩаԥгаз амашьынақәа атәылахьчара Аминистрра ахаҭарнакцәа ирырҭеит.
2023-2024 шш. рзы шәачатәи аҳазалхыҩцәа рыла Иҷыдоу Арратә Операциа аҭаххрақәа рзы рыиагара мҩаԥган иааизакны зыхәԥса аицҵалыҵ 8 млн. мааҭ иреиҳау 19 транспорттә хархәагақәа, 21 нызықь пачка инареиҳаны асигареҭ, аквадрокоптер, 1200 цыра абзазаратә химиа амаҭәахәқәа, ашампунқәа, аба, агипстә шьых, уҳәа убас иҵегьы.
