Ажәеинраалақәа реизга «Ицеит иҭынчым амшқәа» («Прошли смутные дни») (2011 ш.) азы алитература азы Д.И.Гәлиа ихьӡ зху Аҳәынҭқарратә премиа алауреат, Т. Ш. Аџьба (2017ш.) ихьӡ зху Аҳәынҭқарратә премиеи Аԥсны жәлар Рџьынџьтәылатәи еибашьра аҿы Аиааира агара Амш  15-шықәса ахыҵра иазку Аԥсны ажурналистцәа Реидгыла апремиеи рлауреат. «Аԥсны аҭынчра аиқәырхараҿы хаҭалатәи алагалазы» Атәылахьчара Аминистрра амедал (2021ш.), «Ахьӡ-Аԥша» аорден  III аҩаӡара ианашьоуп. Ф. Искандер ихьӡ зху жәларбжьаратәи апремиа (2022ш.) афиналист. Ажәеинраалақәеи апрозеи зну 20 инареиҳаны аҭыжьымҭақәа дравторуп.  Анатоли Ианкәа-иԥа Лагәлаа ирҿиамҭақәа ркьыԥхьхьеит ажурналқәа «Алашара», «Амцабз», агазеҭқәа «Аԥсны ҟаԥшь». «Аԥсны», «Еҵәаџьаа, «Литературная Россия», уҳәа убас егьырҭгьы рҿы. Арадиои ателехәаԥшреи рыла алитература иазкны ицо адырраҭарақәа жәпакы дравторуп. Алитературатә журнал «Алашара» (2004 шықәса инаркны) аредактор Хадас дыҟоуп.

Ажурнал аҿы иара убас икьыԥхьуп Аԥсны ашәҟәыҩҩцәа Рассоциациа  амаӡаныҟәгаҩ, Аурыс Пен-Центр алахәыла  Владимир Делба аҳәынҭқарра адгыларала «Литературная газета»  инанагӡо апроект «Гипертекст» иазку иматериал.

Жәларбжьаратәи ажурнал «Литературные знакомства» 2008 шықәса раахыс иҭыҵуеит.

Альманах аредколлегиа иалоуп ашәҟәыҩҩцәа, асахьаҭыхыҩцәа, Урыстәыла, Франциа, Еиду Америкатәи Аштатқәа, Болгариа, Финлиандиа, Польша, Беларуссиа, Китаи, Ҟазахсҭан, Кыргызсҭан, Ҭырқәтәыла, Естониа, Англиа, уҳәа атәылақәа рҟнтәи аҵарауаа.

Ажурнал аредактор Хада - Лола Звонариова.