Аҟәа. Цәыббрамза 16, 2022 шықәса. Аԥсныпресс. Аԥсны атуризм аминистр Ҭеимураз Хьышба Урыстәылатәи Афедерациа Аиҳабыра Ахантәаҩы ихаҭыԥуаҩ Дмитри Чернышиов диԥылеит, ҳәа адырра ҟанаҵоит атуризм Аминистрра апресс-маҵзура.
Аиԥылара мҩаԥысуан Гагра ақалақь аҿы. Аиԥылара рхы аладырхәит Акционертә Еилазаара «Корпорация Туризма РФ» адиректор хада Сергеи Суханов, Акционертә Еилазаара «Корпорация Туризма РФ» адиректор хада актәи ихаҭыԥуаҩ Денис Секачев.
Ҭеимураз Хьышбеи Дмитри Чернышенкои Аԥсны атуристтә усхкы аҿиара иадҳәалоу азҵаарақәа жәпакы ирнылацәажәеит, уи аперспективақәас иамоу азгәарҭеит.
«Ҳара Аԥсны ақьырсианра аҭоурых ҳалацәажәеит. Ҳара иара убас Аԥсны аӡылахәышәтәырҭатә комплекс аиҿкаара аперспектива дуӡӡақәа шамоу азгәаҳҭеит», – ҳәа иҳәеит Ҭеимураз Хьышба.
Атуризм Аминистрра ахада иара убас аиԥылара акыр аԥхарра аҵаны имҩаԥысит ҳәа иазгәеиҭеит.
«Сара агәра ганы сыҟоуп ас еиԥш иҟоу аимадарақәа ҳреспублика атуристтә усхкы аҿиара ишацхраало», - ҳәа аиԥылара ашьҭахь иазгәеиҭеит аминистр.
