Аминистр иҳәеит «ахьыԥшымра азхаҵара ашьҭахь ҳажәларқәа рзы аҭышәынтәалара ҟалеит, аҳәааҿ ацәгьа зуаз атеррористцәа-адиверсантцәа румҭақәа ныркылеит. Ҳҳәаахьчаҩцәа ирывагылеит урыстәылатәи аҳәаахьчаҩцәагьы».
Сергеи Шамба иазгәеиҭеит Аԥсны ахьыԥшымра азхаҵара рылшамҭа шалоу Аԥсны раԥхьатәи ахада Владислав Арӡынбеи аҩбатәи ахада Сергеи Багаԥшьи иара убасгьы Аахыҵ Уаԥстәыла ахьыԥшымра азхаҵара зыхьӡ адырҳәало Едуард Кокоиты.
2024-2025 шықәсқәа рзы аконсультациақәа рыплан далацәажәо Сергеи Шамба инаҵшьны иҳәеит адипломатиа аусхк аҟны ҳусеицуреи ҳаизыҟазаашьақәеи зырҿио документны ишыҟАахыҵ Уаԥстадәныҟатәи аусқәа рминистр Ахсар Џьиоев Сергеи Шамба ҭабуп ҳәа иеиҳәеит аҳәынҭқаррақәа реизыҟазаашьақәа рырҿиара адгылара ахьеиҭо азы. Аминистр иажәақәа рыла аусеицура Аплан аизыҟазаашьақәа адинамика рнаҭоит. Иара иҳәеит адәныҟатәи аусқәа рминистрцәа Реилацәажәара аформат азыхынҳәра шауа.
«Макьаназ приднестровиатәи ҳколлегацәа рлогистика еилкаам, аха ԥхьаҟа ҳәа ҳаԥшлап, ҳаицхыраалап» ҳәа иҳәеит Ахсар Џьиоев.
Аԥсни Аахыҵ Уаԥстәылеи рыдәныҟатәи аусқәа Рминистррақәа 2024-2025 шықәсқәа рзы аконсультациақәа рыплан рнапы аҵарҩит Сергеи Шамбеи Ахсар Џьиоеви.
Адокумент иазыԥхьагәанаҭоит: ҩ-ганктәи аизыҟазаашьақәа рызҵаарақәа, ҩ-ганктәи аиқәшаҳаҭра-зинтә база аҿиара, аконсултә усураҿы аусеицура, аҭҵаарадырра-практикатә семинарәа, аконференциақәа, астол гьыжьқәа реицымҩаԥгара.
