Ареид амҩаԥгараан административтә зинеилагарақәа рзы еиқәыршәан 17 пкаанҵа.
Ас еиԥш агәаҭаратә усмҩаԥгатәқәа инеиԥыныланы, нанҳәамза нҵәаанӡа амҩаԥгара азԥхьагәаҭоуп.
«Ҳара ҳахь аҭыԥантәи ауааԥсыра рҟынтәи еиԥш, аԥсшьаҩцәагьы рҟынтәи апассаџьырцәа рыиагара знапы алаку автомашьынрныҟәцаҩцәа рзы ҵыхәаԥҵәарада ашшыбӷьыцқәа аауеит. Урҭ изларҳәо ала, автомашьынарныҟәцаҩцәа ӷәӷәала амҩатә ԥҟарақәа еилагоит. Иара убас имаҷымкәа автомашьынарныҟәцаҩцәа алицензиеи егьырҭ иахәҭоу аусшәҟәқәеи рымамкәа аус руеит. Убри инамаданы, ареидтә усмҩаԥгатәқәа атәыла аҩныҵҟатәи аусқәа Рминистрра аекономикатә шәарҭадареи акоррупциа аҿагылареи рзы Аусбарҭа аусзуҩцәа алархәны имҩаԥаагоит. Иазгәасҭарц сҭахуп нанҳәамзеи цәыббрамзеи рзы иарбоу апрофилактикатә усмҩаԥгатәқәа ласы-лассы ишымҩаԥыргало. Ҳара азин ҳамаӡам ҳтәылауааи атуристцәеи рыԥсҭазаара ашәарҭара рҭаргылара», – ҳәа иҳәеит Аԥсны аҩныҵҟатәи аусқәа Рминистрра Автоҳәынҭинспекциа аиҳабы аамҭала инапынҵақәа назыгӡо Дамеи Аҩӡба.
