Аҩныҵҟатәи аусқәа Рминистрра аҿы ишазгәарҭо ала, иааизакны ареспублика амҩақәақәа рҿы аҭагылазаашьа шыуадаҩыц иаанхоит. Уи ҵаҵӷәыс иамоуп: амашьынарныҟәцаҩцәа амҩатә ԥҟарақәа ахьеиларго, арццакратә режим аилагара, ижәны амашьына аԥсҟы акра, иара убас аҵыхәтәантәи аамҭазы автотранспорттә хархәагақәеи амашьынарныҟәцаҩцәеи рхыԥхьаӡара акыр иахьацлаз.
Атәыла аҩныҵҟатәи аусқәа рминистр Роберт Киут иҟаиҵаз адҵа инақәыршәаны, ареидқәа мҩаԥыргалоит амҩаҿы аныҟәара аԥҟарақәа реилагара иадҳәалоу аҭагылазаашьа еиҳа иҭышәынтәалахаанӡа.
