Аҟәа. Нанҳәамза 10, 2024 шықәса. Аԥсныпресс. Аҩныҵҟатәи аусқәа Рминистрра Автоҳәынҭинспекциа Аусбарҭа аусзуҩцәа нанҳәамза 10 азы Автоҳәынҭинспекциа ақәыршаҳаҭра ада зеибыҭашьа аиҭакрақәа алагалоу атранспорттә хархәагақәа раарԥшра иазырхоу ареидтә усмҩаԥгатәқәа мҩаԥыргеит. Абри азы адырра ҟанаҵоит Аԥсны аҩныҵҟатәи аусқәа Рминистрра аофициалтә саит.
Абџьааԥны еиҳа иуԥыло аџьипинги атуристцәа рыиагареи знапы алаку амашьынарныҟәцаҩцәа рмашьынақәа реибыҭашьа «инацҵаны аус анадыруло» ауп. Иарбоу аибыҭашьа аиҭакра аиҳарак автомашьынақәа рыиасралшара ашьҭыхреи апассаџьыртә ҭыԥқәа рхыԥхьаӡара ацҵареи иазырхоуп.
Риҵаҟа инагоу амҩа аихаҵәырҭаҿы имҩаԥгаз ареид иаанарԥшит автомашьына аиагаратә лшара аасҭа еиҳаны апассаџьырцәа мҩанызгоз 10-ҩык автомашьынарныҟәцаҩцәа.
Зынӡа Автоҳәынҭинспекциа аусзуҩцәа рыла еиқәыршәахеит 62 пкаанҵа. Ҩыџьа амашьынарныҟәцаҩцәа ижәны амашьына иахьақәтәаз азы амашьына аԥскы акразы азин аршаҳаҭга рымырхит.
Азинеилагаҩцәа зегьы административтә ҭакԥхықәра иақәыршәахоит.
