Аҟәа. Нанҳәамза 2, 2024 шықәса. Аԥсныпресс. Ажьырныҳәамза 1 инаркны нанҳәамза 1, 2024 шықәса аҟынӡа Риҵатәи ареликттә милаҭтә парк иаҭааит 263 230-ҩык.
Иҭииз абилеҭқәа рҟынтәи иаланагалаз аԥара 172 миллион 809 нызықь 500 мааҭ ыҟоуп. Абри азы адырра ҟанаҵоит Аԥсны атуризм азы Аминистрра апресс-маҵзура.
Иҳаҩсыз 2023 шықәса абри аамҭа иалагӡаны апарк иаҭааит 278 462-ҩык ауаа, урҭ иршәаз иааидкыланы усҟан иартәеит 183 миллион 925 нызықь 400 мааҭ.
Ареспубликатә Унитартә Наплакы «Г.Смыр ихьӡ зху Афонҿыцтәи аҳаԥы Акомплекс» ашықәс алагара инаркны нанҳәамза 1 аҟынӡа иаҭааит 188 041-ҩык. Иҭииз абилеҭқәа рҟынтәи уи иаиуз ахашәалахәы азеиԥш еицҵалыҵ 131 млн. 628 нызықь 700 мааҭ рҟынӡа инаӡоит.
Иҳаҩсыз 2023 - тәи ашықәс аиԥш-зеиԥшу аамҭахәҭа азы аҳаԥы иаҭааит 186 053-ҩык, иҭииз абилеҭқәа рҟынтәи ахашәалахәы азеиԥш еицҵалыҵ – 130 млн. 237 нызықь 100 мааҭ рҟынӡа инаӡоит.
