----
Аԥсны Аҳәынҭқарра Ашьаустә Закәанеидыла ахәҭаҷ 224, ахәҭа 3, апункт «б», ахәҭаҷ 223, ахәҭа 3 иазԥхьагәанаҭо ацәгьоурақәа рзы ахара рыдҵоуп Гагра араион Ԥсахара ақыҭан инхо ҩыџьа ахацәа.
Атәылауаа Мумџьиан Вартан Альберт-иԥа, 1997 шықәса рзы ииз, Каленџьиан Гариф Владимир-иԥа, 1984 шықәса рзы ииз, изакәанымкәа ирыдыргалеит, иҵәахны ирыман, анаҩс Аԥсныҟа ииаргеит зыкапан дууз анаркотикатә маҭәашьари арҩышьыгатә маҭәашьари. Урҭ Аушьҭра-гәаҭаратә Ҭыԥ «Ԥсоу» аҿы аҳазалхратә гәаҭара азона ианахыс ашьҭахь иааныркылеит.
Иаанкылаз ахацәа хаҭала ргәаҭараан Каленџьиан Гариф идырбалеит иагьимырхит анаркотикатә маҭәашьар «метадон», егьи ахаҵа Мумџьиан Вартан еилаҳәагак арҩышьыган маҭәашьар «прегабалин» икәа иҭаршәны иҵәахны иман.
Аусеилыргара мҩаԥнагоит Аԥсны аҩныҵҟатәи аусқәа Рминистрра атранспорт аҿы аҩныҵҟатәи аусқәа Русбарҭа.
Ахара зду ахаҿқәа ырбаандаҩуп. Абри азы адырра ҟанаҵоит Аԥсны аҩныҵҟатәи аусқәа Рминистрра апресс-маҵзура.
