2) Аԥҟара ахәҭа III абзацқәа 3.1, 3.2, 3.3, 3.4 абри аредакциаҿы ишьақәгылазааит:

«3.1. Акомиссиа аилазаара аҿы иҟалоит Акомиссиа ахантәаҩы, ахантәаҩы ихаҭыԥуаҩ, аҭакзыԥхықә маӡаныҟәгаҩ, иара убас Акомиссиа аусура хәыда-ԥсада зхы алазырхәуа уи алахәалацәа.

3.2. Акомиссиа ахантәаҩы: – Акомиссиа аусура еиҿикаауеит, иара убас уи аӡбамҭақәа рынагӡара ахылаԥшра аиҭоит;

– Акомиссиа алахәылацәа 1992 – 1993 шш. Аԥсны жәлар Рџьынџьтәылатәи еибашьраан хабарда ибжьаӡыз ауаа ирлахьынҵахаз аилкааразы имҩаԥгахо аиҿцәажәарақәа рылахәхара еиҿикаауеит;

– Ареспублика Аԥсны аԥыза-министр Акомиссиа аусдырра (акомпитенциа) иаҵанакуа азҵаарақәа рыла инапынҵақәа рынагӡара еиҿикаауеит;

– Акомиссиа алахәылацәа амаҵуратә ныҟәарақәа рахь рышьҭра ахымԥадатәра шьақәиргылоит;

– Ареспублика Аԥсны аԥыза-министр иҿы Акомиссиа аусура азы есԥшьбаратәи аҳасабырба ҟаиҵоит.

3.3. Ахантәаҩы ихаҭыԥуаҩ:

– Ахантәаҩы инапынҵала хазы игоу анапынҵақәа наигӡоит;

– Ахантәаҩы дыҟамзар, мамзаргьы уи еиуеиԥшым амзысқәа рыла иҭакԥхықәра анагӡаразы алшара имамзар, ахантәаҩы ихаҭыԥан аус иуеит.  

3.4.  Акомиссиа амаӡаныҟәгаҩ:

–  аусеилыргара амҩаԥгара еиҿикаауеит;

– Акомиссиа аилатәарақәа рыпкаанҵақәа еиқәыршәаны архив иаиҭоит».