Аҟәа. Ԥхынгәымза 31, 2024 шықәса. Аԥсныпресс. Аминистрцәа Реилазаара аҿы «Аинвестициатә еиҩызара азы» Ареспублика Аԥсны Азакәан анагӡара хықәкыс иҟаҵаны, Ареспублика Аԥсны аҳәынҭқарратә напхгараҭара аусбарҭа хадақәа рыла хазы игоу ауснагӡатәқәа рынагӡара азы» Ақәҵара рыдыркылеит.
Ашәахтәқәеи аизгақәеи рзы Аминистрра иадҵоуп афинансқәа Рминистрра ақәыршаҳаҭны аинвестициатә еиҩызара ахарџьқәеи ахашәалахәқәеи иалкаау аҳасаббара аԥҟара ашьақәыргылара.
Аиустициа Аминистрра иадырҵеит Аинвестициатә еиҩызара аҟазаара зырҵабыргуа аусшәҟәқәа, аԥҵара арыцхә, аиқәшаҳаҭра абжьаҵара арыцхәи уи аномери, аиҩызара напхгара азҭо анапхгаҩы, мамзаргьы анапхгаҩцәеи, уҳәа атәы зҳәо аинформациа ахьыҵәаххо анотариус илы иарбоу аинформациа аарԥшра аԥҟара ашьақәырӷәӷәара.
Ақәҵара анагӡара азы ахылаԥшра афинансқәа Рминистрреи аиустициа Аминистрреи иадҵоуп.
