Аҟәа. Ԥхынгәымза 30, 2024 шықәса. Аԥсныпресс. 2024 шықәса 6 мыз рыҩнҵҟа иҟалаз 70 амҩа-транспорттә машәыртә хҭыс рҿы 20-ҩык ауаа ҭахеит. Иҳаҩсыз 2023 шықәса аиԥш-зеиԥшу аамҭахәҭа иалагӡаны иҟалеит 71 амҩа-транспорттә машәыр. Уаҟа 28-ҩык ауаа ҭахеит, ҳәа 2024 шықәса актәи азыбжа азы апрокуратура аусбарҭақәа русура аихшьаалақәа рыҟаҵара иазкны имҩаԥысыз апрокуратура Хада аколлегиа аилатәара аҿы дықәгыло адырра ҟаиҵеит атәыла апрокурор Хада актәи ихаҭыԥуаҩ инапынҵақәа назыгӡо Даур Амҷба.
Амҩа-транспорттә машәыртә хҭыс ихадоу мзысқәаны уаанӡа еиԥш уажәгьы иҟоуп:
– амашьынарныҟәцаҩцәа рыла амҩатә ԥҟарақәа реилагара, иџьбароу арыжәтә ыжәны, мамзаргьы анаркотикатә маҭәашьар рыдкыланы атранспорттә хархәага аԥсҟы акра;
– ишьақәыргылоу амашьына арццакра анормақәа реилагара;
– ахырхарҭа аԥсахра (аманиоврҟаҵара) аԥҟарақәа реилагара.
