2024 шықәсазы иназыцҵоу асиа ала ареспубликатә биуџьет ахархәагақәа рыла Аҟәа ақалақь аҿы аобиектқәа рыргылара, реиҭашьақәыргылара, рреконструкциа азы аусурақәа рфинансыркра  16 млн. мааҭ рҟынӡа инаӡеит;

Гагра араион аҿы –  2 млн 504 нызықь мааҭ;

Гәдоуҭа араион аҿы – 11 млн.​ 760 нызықь мааҭ;

Аҟәа араион аҿы – 30 млн. 474 нызықь мааҭ;

Гәылрыԥшь араион аҿы – 7 млн. 722 нызқь мааҭ;

Очамчыра  араион аҿы  –  4 млн.​ 184 нызықь мааҭ;

Ҭҟәарчал араион аҿы –  9 млн. 205 нызықь мааҭ;

Гал араион аҿы  –  5​ млн. 663 нызықь мааҭ.

Зынӡа ихадоуи иназыцҵоуи асиақәа рыла имҩаԥгаз аусурақәа рфинансыркра аицҵалыҵ  178 млн. 717 нызықь мааҭ рҟынӡа инаӡоит.

Еиҭашьақәыргылахо аобиектқәа рхыԥхьаӡраҿы иҟоуп – ашколқәа, ахәыҷбаҳчақәа, акультура аобиетқәа, иара убас ацҳақәеи автомҩақәеи ӡыла аиқәыршара аистемақәеи.   Аԥаратә хархәагақәа рзоужьхоит иара убас аҩнқәа рааигәара иҟоу аҵакырақәагьы реиқәыршәазаара азы.

Аусуратә еилатәара рхы аладырхәит аԥыза-министр, афинансқәа рминистр Владимир Делба, аԥыза-министр, аекономика аминистр Кристина Озган, шьаҭанкыла аиҭашьақәыргылара азы Аусбарҭа аиҳабы Ҭемыр Агрба.