Виктор Санеев – асоветтә атлетика ласы аспортсмен, Европа ачемпион (1969, 1974 шш.), аҭоурых аҿы уаҳа зда ыҟам хԥаны иҟоу аԥара аҿы хынттәны аолимпиатә чемпион (Аолимпиатә хәмаррақәа 1968, 1972, 1976 шш.), 1980 шықәсазы Москва ақалақь аҿы имҩаԥысуаз XXII аԥхынтәи Аолимпиатә хәмаррақәа  рҿы араӡнытә аԥхьахә згаз;

Владимир Дорохов – анапылампыл азы Асовет Еидгыла еизгоу акоманда ажәылаҩ (1975 – 1982 шш), адунеи ҩынттәи ачемпион (1978, 1982 шш.), адунеи Ахраҿа ҩынтәны изгахьаз (1977, 1981 шш.), Европа ԥшьынтәны ачемпион (1975, 1977, 1979, 1981 шш.), Асовет Еидгыла зҽаԥсазтәыз аспорт азҟаза (1978 ш.), 1980 шықәсазы Москва ақалақь аҿы имҩаԥысуаз  XXII аԥхынтәи Аолимпиатә хәамррақәа рчемпион;

Борис Никитин – асоветтә аӡысаҩ, Европа ачемпион (1958 ш.), Асовет Еидгыла аспорт азҟаза (1956 ш.), 1956 шықәсазы Мельбурн ақалақь аҿы имҩаԥысуаз XVI аԥхынтәи Аолимпиатә хәмаррақәа рҿы аџьазтә медал аиура зҽаԥсазтәыз;

Никита Симониан – еицырдыруа ашьапылампыласҩы, акырынтә Асовет Еидгыла ачемпион, ашьапылампыл азы Асовет Еидгыла Ахраҿа згахьаз, Асовет Еидгыла зҽаԥсазтәыз аспорт азҟаза (1954 ш.), 1956 шықәсазы Мельбурн ақалақь аҿы имҩаԥысуаз XVI аԥхынтәи Аолимпиатә хәамаррақәа рчемпион;

Саида Гәынба – аҟыбаҩ злаз атлетика ласы аспортсменка, Асовет Еидгыла ҩынтәны ачемпионка (1978, 1979 шш.), 1980 шықәсазы  Москва ақалақь аҿы имҩаԥысуаз XXII аԥхынтәи Аолимпиатә хәмаррақәа рҿы араӡнытә медал згаз;

Денис Царгәыш – хынтәны адунеи ачемпион (2009, 2010, 2014 шш.), Европа хынтәны ачемпион, (2010, 2011, 2012 шш), Урыстәылатәи Афедерациа зҽаԥсазтәыз аспорт азҟаза, 2012 шықәсазы Лондон ақалақь аҿы имҩаԥысуаз аԥхынтәи Аолимпиатә хәмаррақәа рҿы аџьазтә медал згаз.