Аҟәа. Ԥхынгәымза 23, 2024 шықәса. Аԥсныпресс. Аԥснытәи АССР зҽаԥсазтәыз акультура аусзуҩ, амузыкант, авокал-инструменталтә ансамбль «Аԥсны-67» асолист, «Ахьӡ-Аԥша» аорден III аҩаӡара акавалер Аркади Қриа иԥсҭазаара алҵра инамаданы, аԥсыжра аиҿкааразы Аҳәынҭқарратә комиссиа аԥҵоуп. Уи ахантәаҩыс дҟалоит атәыла акультура аминистр аамҭала инапынҵақәа назыгӡо Динара Смыр.
Акомиссиа аилазаараҿы иҟоуп:
- Маршьан З. К. – Ареспублика Аԥсны аминистрцәа Реилазаара аппарат анапхгаҩы ихаҭыԥуаҩ;
- Ҭарба Г. И. - С. И. Ҷанба ихьӡ зху Аԥснытәи Аҳәынҭқарратә драматә театр актиор;
- Ҳаџьымба Р. А. – Р. Д. Гәымба ихьӡ зху Аԥснытәи аҳәынҭқарратә филармониа адиректор;
- Саӷариа Н.В. – авокал-инструменталтә ансамбль «Аԥсны-67» асахьаркыратә директор.
