Аҟәа. Ԥхынгәымза 23, 2024 шықәса. Аԥсныпресс. Аԥсны Жәлар Реизара Аиҳабы Лаша Ашәба Аԥсны жәлар ирыдиныҳәалеит Аҳәынҭқарратә Бираҟ Амш.
Уаҟа иазгәаҭоуп:
«Ҳаҭыр зқәу Аԥсны Аҳәынҭқарра атәылауаа!
Аԥсны Жәлар Реизара адепутатцәа ишәыдырныҳәалоит Аҳәынҭқарратә Бираҟ Амш!
Ҳреспублика ухаҿы иузаагом уи аҳәынҭқарратә символқәа – абираҟи, агерби, агимни рыда. Урҭ иахәҭаҵәҟьоу аҭыԥ ааныркылоит ҳтәыла аҳәынҭқарратә ԥсҭазаараҿы, дарбарзаалак атәылауаҩ иԥсҭазаараҿы.
Аҳәынҭқарратә Бираҟ Амш – ари шәареи ҳареи зыргылара ҳаҿу ҳаамҭазтәи Аԥсны аҭоурых ауп. Уи иҵабыргыҵәҟьаны жәлары зегьы ирныҳәаны иҟоуп, инарҭбааны иазгәарҭоит Аԥсны Аҳәынҭқарраҿы мацара акәымкәа, хара уи анҭыҵгьы. Ҳара ҳбираҟ азы агәадура ҳамоуп, уи ианубаалоит аԥсуа жәлар рҭоурыхтә гәалашәара, рпатриотизм, рфырхаҵара, реилаҵәара.
Аԥсуа бираҟ ҳаԥхьаҟагьы ҳаиднакылалоит, иҳаԥхьоит зхы иақәиҭу, иӷәӷәоу ҳџьынџьтәыла ахьӡала ақәҿиара ҿыцқәа рахь!»
Ҳаҭыр зқәу аҩызцәа! Ҳажәлар Аԥсадгьыл атрадициақәа даараӡа аҳаҭыр ақәҵаны иааргоит. Ареспублика Аԥсны ԥхьаҟатәи аԥеиԥш шәареи ҳареи ҳнапы иануп, ҳтәыла иӷәӷәоу ҳәынҭқарраны иҟало, аизҳазыӷьара амҩа ианыларц азы ҳгәазыҳәара иадҳәалоуп. Агәра ганы ҳаҟоуп, Ареспублика Аԥсны Аҳәынҭқарратә бираҟ есымша ҳтәыла ишахашәыршәырло. Аныҳәа ду – Аҳәынҭқарратә бираҟ Амш шәадныҳәалаз зегьы!».
