Асигареҭқәа рконфискациа мҩаԥган. Аус аматериалқәа зегьы Аҳәынҭқарратә ҳазалхратә Еилакы аусҭҵаареи аҳазалхратә усеилыргареи рыҟәша ахь идәықәҵоуп.
23.Ԥхынгәы.2024
Цандрыԥшь аҳаблаҿы акцизатә дыргақәа змамыз асигареҭқәа рыԥшааит.
Аҟәа. Ԥхынгәымза 23, 2024 шықәса. Аԥсныпресс. Ироуз аоперативтә дырра ала ауснагӡатәқәа рымҩаԥгараан, ԥхынгәымза 20 рзы Аҳәынҭқарратә ҳазалхратә Еилакы аусзуҩцәеи атәыла аҩныҵҟатәи аусқәа Рминистрра аекономикатә шәарҭадареи акоррупциа аҿагылареи рзы Аусбарҭа Хадеи аекономикатә шәарҭадара Аусбарҭеи русзуҩцәеи Цандрыԥшь аҳаблаҿы иҟоу, атәылауаҩ Кешьиан А.А ихатәы ҩны аҿы ирыԥшааит 1 164 блок инарзынаԥшуа абаџьқәҵарадатә дәқьан (Duty Free) адыргақәеи Аԥсны акцизтә еизга амаркақәеи рыда иҟаз асигареҭқәа.
