Аҟәа. Ԥхынгәымза 12, 2024 шықәса. Аԥсныпресс. Аԥсны Аҳәынҭқарратә шәарҭадара Амаҵзура аусзуҩцәеи Урыстәыла Афедералтә шәарҭадара Амаҵзура Аҳәаахьчаратә Усбарҭа аусзуҩцәеи 210-ҩык аҳәаахьчаратә закәанԥҵара еилазгаз ааныркылеит.
Иаанкылаз ахаҿқәа Аԥсны Аҳәынҭқарра Административтә Зинеилагарақәа Рзакәанеидкыла ахәҭаҷ 190 «Аҳәаахьчаратә зона аҿы аҳәаахьчаратә режим аилагара»; Аԥсны Аҳәынҭқарра Административтә Зинеилагарақәа Рзакәанеидкыла ахәҭаҷ 190.1 «Ареспублика Аԥсны аҳәынҭқарратә ҳәаа арежим аилагара»; Аԥсны Аҳәынҭқарра Административтә Зинеилагарақәа Рзакәанеидкыла ахәҭаҷ 190.2 «Атерриториалтә мшыни Ареспублика Аԥсны аҩныҵҟатәи амшынтә ҵакыреи рҿы аҳәаахьчаратә режим аилагара» инарықәыршәаны иаанкылаз атәылауаа зегьы административтә ҭаԥхықәра иақәыршәоуп.
Аԥсны Аҳәынҭқарра Ашьаустә Закәанеидкыла ахәҭаҷ 324, ахәҭа 1 иазԥхьагәанаҭо ацәгьоура « Ареспублика Аԥсны аҳәынҭқарратә ҳәаа изакәанымкәа ахысра» азы ашьаусеилыргарақәа ԥшьба хацыркуп.
Иԥхьырҟәҟәаахеит 15 инареиҳаны еиуеиԥшым азкызаара змоу аидарақәа аԥсны-қырҭтәылатәи аҳәаа изакәанымкәа ахгара азы аҽазышәарақәа: ирымхын 100 блок инареиҳаны аҭаҭын аалыҵ, иара убас 550 таблетка инареиҳаны арҩышьыгатә маҭәашьарқәа.
Изакәаным аусура аиҿкаареи амҩаԥгареи иадҳәалоу ахаҿқәа зегьы рганахьала Аԥсны азакәанԥҵара инақәыршәаны азинтә нырра ауснагӡатәқәа мҩаԥгоуп.
