Аҟәа. Ԥхынгәымза 8, 2024 шықәса. Аԥсныпресс. Ԥхынгәыза 10, 2024 шықәса рзы Аҟәа ақалақь аҿы ашәа аԥҵаҩцәа-анагӡаҩцәа (абардқәа) XI Жәларбжьаратәи рфестиваль «Ашәа узысҳәоит, Аԥсынтәыла!» мҩаԥысраны иҟоуп.
Афестиваль 2010 шықәса раахыс имҩаԥысуеит. Уи автортә ашәа – ахаԥшьгаратә сахьаркыратә рҿиара ажанрқәа иреиуоу апопулиаризациа хықәы хадас иамоуп. Уи хыдҵас иқәнаргылоит амилаҭтә сахьаркыратә традициақәа реиқәырхара, рырҿиара, ашьҭрамадара, иуникалу абардтә ашәа аҭынха апопулиаризациа.
Афестиваль алахәылацәа алшара роуеит доусы реихьӡарақәа ахәаԥшцәа дырбара, арҿиаратә лшарақәа реидкылара, уи, жәаҳәарада, еиуеиԥшым ажәларқәа реизааигәахара, реилибааара алнаршоит. Афестиваль аҟыбаҩ злоу ауаа ҿыцқәа ралкаара, ахаԥшьгара злоу авторцәа-анагӡаҩцәа адгылара рыҭара, зсахьаркыратә ҩаӡара ҳараку аԥҵамҭақәа раарԥшра иазырхоуп.
Убри анаҩс автортә ашәа хыԥхьаӡара рацәала азыӡырҩцәа аднаԥхьалоит, убри аҟнытә афестиваль – Аԥсны ауааԥсыреи асасцәеи рыԥсшьараамҭа ахгаразы зеиӷьаҟам усмҩаԥгатәны иҟоуп.
Афестиваль алахәылацәа доусы рхала иаԥырҵаз ҩба-хԥа шәа нарыгӡоит, иалшоит иара убас ипопулиару абардтә ашәақәагьы рынагӡара.
Афестиваль Аҟәа ақалақь ԥхынгәымза 10, 2024 шықәса рзы абри аҭыӡҭыԥ: Аҟәа ақалақь, Пушкин имҩа, аҩ.№ 7 (аҩналарҭа Лакоба имҩала) ала иҟоу И.Е. Кортуа ихьӡ зху жәлар рҟазара Ареспубликатә Центр Арҿиаратә зал аҿы имҩаԥгахоит. Аконцерт алагара аамҭа: асааҭ 19:00 рзы.
