Атәыла аҩныҵҟатәи аусқәа Рминистрра ауаажәларратә шәарҭадара Аусбарҭа алицензиа-зинҭаратә ҟәша аусура атәы еиҭеиҳәеит Аусбарҭа анапхгаҩы  Лоу Инал-иԥа.

Аилатәараҿы дықәгылеит Аԥсны атәылахьчара Аминистрра аракета-артиллериатә арбџьар амаҵзура анапхгаҩы Алеқсандр Бабанов.

Акоординациатә еилатәара аихшьаалақәа рыла, иҟаҵаз азгәаҭарақәеи ажәалагалақәеи  ҳасаб азуны еиқәыршәаз ақәҵара анаҩс азинхьчаратә усбарҭақәа рнапхгаҩцәа Ркоординациатә еилатәара  иалахәыз ирзышьҭхоит.  

Акоординациатә еилатәара иалахәын апрокурор Хада ихаҭыԥуаҩ Ҭырқьба Р.Л., апрокурор Хада ихаҭыԥуаҩ – арратә прокурор Ҭарба Р.Б., аҩныҵҟатәи аусқәа рминистр ихаҭыԥуаҩ Ҷкадуа Б.Р., Аҳәынҭқарратә шәарҭадара Амаҵзура ахантәаҩы Ахьиба Т.И., Аҳәынҭқарратә хьчара  Амаҵзура аиҳабы ихаҭыԥуаҩ Занҭариа З.Г., Аԥсны Аҳәынҭқарратә ҳазалхратә Еилакы ахантәаҩы ихаҭыԥуаҩ Ашәба З.Р., Аԥсны апрокуратура Хада аусбарҭақәа рнапхгаҩцәеи урҭ рхаҭыԥуаҩцәеи, ацхырааҩ еиҳабацәеи апрокурор Хада ицхырааҩцәеи, апрокуратура Хада Аппарат Хада аусзуҩцәа, Аҟәа ақалақь апрокурор, араионқәа рыпрокурорцәа, аҷыдалкаатә прокурорцәа.