Есышықәса аконференциа еиднакылоит хыԥхьаӡара рацәала аҳәынҭқарратә хылаԥшреи агәаҭареи рызҵаарақәа знапы алаку зыхьӡ нагоу аҵарадырратәи анаукатәи аиҿкаарақәа рҟынтәи еицырдыруа аҵарауаа, аҳәынҭқарратә мчра, ахылаԥшра, агәаҭара аусбарҭақәа рхаҭарнакцәа. Сынтәа ари аконференциа амҩаԥгара «Урыстәылатәи Афедерациа аҳәынҭқарратә уаажәларратә маҵзура азы»  Афедералтә закәан адкылара 20 шықәса аҵра иадҳәалахеит.  

Аԥсны Аконституциатә ӡбарҭа ахантәаҩы Диана Ԥлиа Ареспублика Аԥсны аҳәынҭқарратә маҵзура аусура иамоу аҷыдарақәеи уи аҿиара аперспективақәеи иазкны иҟалҵаз ажәахә аҿы, «аҳәынҭқарратә маҵзура иуадаҩу асоциал-зинтә институтны иҟоуп, уи ишиашоу аҳәынҭқарреи ауаажәларреи ирыдҳәалоуп» ҳәа иазгәалҭеит.  «Ареспублика Аԥсны  аиҿкаара, аҳәынҭқарратә маҵурауаа русуреи рфинанстә еиқәыршәареи азакәантә шьаҭа ҳәаақәызҵо анорма-зинтә шәҟәынҵа адкылара, акыр ауадаҩрақәа ирхысны аҿиаразы ахатәы мҩа алызхыз аҳәынҭқарра аҿы аҳәынҭқарратә усура аеффективреи апрестижи рышьҭыхра  иазырхоуп», ҳәа инаҵшьны иазгәалҭеит лара.