Аҟәа. Ԥхынгәымза 5, 2024 шықәса. Аԥсныпресс. Аҳәынҭқарра Ахада иҟны иҟоу аҵарауаа ҿарацәа Рхеилаки аинновациатә проектқәа рӡыргара адгылара аҭара иазку, «Умная цивилизация» ҳәа ахьӡ змоу Автономтә Икоммерциатәым Аиҿкаареи аусеицуразы аиқәшаҳаҭра рыбжьарҵеит.
Иарбоу аиқәшаҳаҭра ахықәкы хаданы иҟоуп — жәларбжьаратәи аусеицура аҳәаақәа рырҭбаареи анаукеи аҵарадырреи русхы аҿы ганрацәлатәи аимадарақәа рырӷәӷәареи анаукатә усеицура адгылара аҭареи анаукатә аартрақәа рынагӡареи.
Аусеицура ахықәкы — иҿыцу атехнологиақәа, аидеиақәа, аинформациа рыла аимадара, ихадоу ахырхарҭақәеи апрограммақәеи рыла анаукатә ҭҵаарақәа реицынагӡара аиҭахацыркра, уҳәа рзы иманшәалоу аҭагылазаашьақәа раԥҵара.
Аусеицуразы Аиқәшаҳаҭра анапаҵыҩра мҩаԥысит ԥхынгәымза 5 рзы Москва ақалақь, Урыстәылатәи аҳәынҭқарратә гуманитартә Университет аплошьадка аҿы.
