«Пицундатәи жәларбжьаратәи амузыкатә фестиваль – адунеи зегьы аҟынтәи амузыкантцәа рыбжьара акультурақәа рдиалог ауп. Убри аан инаҵшьны иазгәаҭахоит Аԥсны ибеиоу амузыкатә ҭынха. Араҟа идуу амузыкатә программа анаҩс, ашәышықәсарацәа зҵазкуа аҭоурых ду змоу Пицунда ақалақь акультуратә ҵакыра арҭбаара азԥхьагәазҭо аусмҩаԥгатә мҩаԥысуеит. Убри анаҩс афестиваль хықәыс иқәнаргылоит адгылара зҭаху ақалақьи арегиони акреативтә индустиақәа рырҭбаара», - ҳәа иазгәаҭоуп афестиваль асаит аҿы.
2024 шықәсазы иаԥҵан Пицундатәи жәларбжьаратәи амузыкатә фестиваль Афонд. Афонд Аԥсны артист ҿарацәеи амузыкатә усзуҩцәеи адгылара рыҭара азы агәҭакқәа амоуп.
Афестивали уи алахәылацәеи апрограммеи иазку еиҳа инарҭбаау аинформациа абри азхьарԥш: https://pitsundafestival.com ала иубар алшоит.
