Иарбоу арратә зыҟаҵарақәа анапхгара азҭоз аполковник Алеқсандр Бабанов иажәақәа рыла, «арратә аизгарақәа раан аруаа аҵәҩанҵәхысгатәи ашьақәгылагақәа ЗУ-23-2, разкызаареи аибашьратә хысрақәа раан рхархәашьеи рзы адыррақәа роуит».
05.Ԥхынгәы.2024
Аԥсны атәылахьчара Аминистрра аҿы аштатнҭыҵтәи арратә гәыԥқәа ЗУ-23-2 алархәны имҩаԥысуаз аизгарақәа хыркәшахеит.
Аҟәа. Ԥхынгәымза 5, 2024 шықәса. Аԥсныпресс. Ахысырҭатә дәы «Ҵабал» аҿы Аԥсны Арбџьармчқәа аштатнҭыҵтәи аҵәҩанҵәхысгатәи ашьақәгылагақәа ЗУ-23-2 рыла имҩаԥыргоз арратә аизгарақәа хыркәшахеит. Аизгарақәа, азанааҭтә дырра аҩаӡара ашьҭыхра хықәыс иҟаҵаны, Аԥсны Арбџьамчқәа 2024 шықәсазы рырратә зыҟаҵара аплан инақәыршәаны имҩаԥысуан, ҳәа адырра ҟанаҵоит атәылахьчара Аминистрра апресс-маҵзура.
