«Приднестровие Адәныҟатәи аусқәа рминистрра анаԥҵаха амш инаркны хьӡы-ԥша аманы атәыла адәныҟаполитикатә курс мҩаԥнагоит, иара асуверинитет, арегионалтә шәарҭадара, аҭышәынтәалара аиҿкаараҿы алагала ду ҟанаҵоит. Аминистрра аколлектив зажәеи зуси еимадоу, ззаанаҭ здыруа профессионалтә командоуп, амилаҭтә интересқәа ирыҵагылоит, аҳәынҭқарра апозициа арӷәӷәаразы аусура мҩаԥнагоит.

Иазгәаҳҭоит Аԥсны Аҳәынҭқарреи Приднестровиатәи Молдавиатәи Ареспубликеи рыбжьара ишышьақәгыло аиҩызара, аилибакаара, агәреибагара шьаҭаны измоу аизыҟазаашьа ҟәандақәа. Агәра аагоит Аԥсны Аҳәынҭқарреи Приднестровиатәи Молдавиатәи Ареспубликеи рыбжьара аусеицура ԥхьаҟагьы аҿиара аиуеит ҳәа ҳшақәгәыӷуа».