Аҟәа. Ԥхынгәымза 2, 2024 шықәса. Аԥсныпресс. Ԥхынгәымза 2 рзы Одиссеи Бигәааи Приднестровтәи Молдавтәи Ареспублика аофициалтә хаҭарнак Гарри Кәпалбеи реиԥылара мҩаԥысит, ҳәа адырра ҟанаҵоит Аԥсны адәныҟатәи аусқәа Рминистрра аофициалтә саит.
Аиԥылара аҳәаақәа ирҭагӡаны Одиссеи Бигәааи Гарри Кәпалбеи Кавказнҭыҵ аҭынчреи аҭышәынтәалареи рзы Жәларбжьаратәи Женеватәи аилацәажәарақәа 61-тәи араунд алҵшәақәа ирылацәажәеит, Урыстәыла иҟанаҵаз адгылара ҷыдала иазааҭгылеит.
Аԥсны адәныҟатәи аусқәа рминистр инапынҵақәа назыгӡо Одиссеи Бигәааи Аԥсны иҟоу Приднестровтәи Молдавтәи Ареспублика аофициалтә хаҭарнаки иазгәарҭеит Аԥсни Приднестровиеи реизыҟазаашьақәеи русеицуреи анаҩсгьы арӷәӷәара ишазхиоу.
Аиԥылара ахыркәшамҭаз Одиссеи Бигәаа Гарри Купалба «Аԥсны Адәныҟатәи аусқәа Рминистрра 30 шықәса ахыҵра» аиубилеитә медал ианеишьеит.
