Атурнир аиҿкаара рхахьы иргеит Аԥсны аӡиудо Афедерациа, Аԥсны аҿари аспорти русқәа рзы Аҳәынҭқарратә Еилакы, Аҟәа ақалақь Ахадара аҿари аспорти русқәа рзы Аусбарҭа.
Аицлабрақәа мҩаԥыслоит ԥхынҷкәынмза 4 аҟынӡа.
02.Ԥхынгәы.2024
Аӡиудо азы XVI Жәларбжьарати атурнир «Аԥсны Ахраҿа» Аҟәа ақалақь аҿы иалагеит.
Аҟәа. Ԥхынгәымза 2, 2024 шықәса. Аԥсныпресс. Аӡиудо азы XVI Жәларбжьаратәи атурнир «Аԥсны Ахраҿа» аартра иазку аныҳәатә церемониа мҩаԥысит Аҟәа ақалақь, Сергеи Багаԥшь ихьӡ зху аспорт Ахан аҿы.
Аицлабрақәа рхы аладырхәуеит Аԥсны, Белоруссиа, Урыстәыла (Адыгеиа, ДЖәР, Камчатка, Ростовтәи аобласт) рҟынтәи хышәҩык инареиҳаны 2008-2010, 2011-2012, 2013-2014 шш. рзы ииз арԥарцәеи аҭыԥҳацәеи. Атурнир аҳәаақәа ирҭагӡаны 2015-2016 шықәсазы ииз арԥарцәа рзы еиҵаӡоу аразриадқәа ирыҵанакуа рыбжьаратәи аицлабрақәа мҩаԥгахоит.
Аицлабрақәа ирылахәхо ирыдныҳәалеит ақәҿиарақәагьы рзеиӷьаршьеит атурнир аӡбаҩ Хада Мекзум Алимови Аҟәа ақалақь Ахадара аҿари аспорти русқәа рзы Аусбарҭа анапхгаҩы Ельза Ҳагбеи.
