Герман Арџьениа иажәақәа рыла, аиндаҭлара даара ицәгьан, аха аиааира илшеит иҭаацәеи иҩызцәеи, иара убас уа иалахәыз аԥсуааи рҟынтә иоуз адгылара аҟынтә.
Герман Арџьениа раԥхьатәи иазыҟаҵаҩ Елизбар Џьологәуа иоуп.
Жә-ҳәынҭқаррак зҵазкуа Аҳәынҭқаррабжьаратәи Аидгыла (БРИКС) Ахәмаррақәа мҩаԥысуеит Ҟазан ақалақь, рашәара 12-23 рзы. Урҭ ирылахәуп Аԥсны назлоу атәылақәа 91. Ҳтәыла ахьӡала 13 спорт хкы рыла иқәгылоит 62- ҩык аспортсменцәа.
Аԥсны Жә-ҳәынҭқаррак зҵазкуа Аҳәынҭқаррабжьаратәи Аидгыла (БРИКС) Ахәмаррақәа рыҟны 13-тәи аҭыԥ аанакылеит. Аԥсуа спортсменцәа быжь-медалк иаԥсахеит. Ахьтәы медал абокс аҟны ианашьахеит Герман Арџьениа. Араӡны медал Рамазан Арапханов, абырзен-аурым еиқәԥараҿы. Аџьаз медалқәа ранашьоуп Беата Арышԥҳа абокс азы, Инал Гаделиа — аӡиудо, Мараҭ Кәакәасқьыр — зхы иақәиҭу аиқәпараҿы, Рахман Напиџьев — асамбо, Даниил Харчлаа — зхы иақәиҭу аиқәԥараҿы.
