Иаанкылоуп хҩык ауаа, игәҩароу даҽаӡәы Урыстәыла даанкылан. Уи ишьақәыргылоу аԥҟарақәа рыла аԥсуа ган дрырҭеит.
Аоператив-ԥшааратә усмҩаԥгатәқәа ирыцҵахоит.
24.Рашәара.2024
Аушьҭра-гәаҭаратә Ҭыԥ “Ԥсоу” аҿы аиҿахысра азы игәҩароу х-ҩык ауаа ааныркылеит.
Аҟәа. Рашәарамза 24, 2024 шықәса. Аԥсныпресс. Аԥсны аҩныҵҟатәи аусқәа Рминистрра ашьаусԥшааратә ҟәша аусзуҩцәа рашәарамза 23 рзы Аҳазалхратә аушьҭра-гәаҭаратә Ҭыԥ «Ԥсоу» аҿы аиҿахысра иалахәыз рыбыжьҩык рхаҭара шьақәдыргылеит, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.
