Аганқәа ирылацәажәеит аҩ-ҳәынҭқарратә рзакәанԥҵарақәа реишьашәалара шьаҭас иҟаҵаны Урыстәылатәи Афедерациеи Аԥсны Аҳәынҭқарреи рыбжьара азеиԥш социалтәи аекономикатәи ҵакыра ашьақәгылара Апрограмма анагӡара азҵаарақәа, иара убас  2024 шықәсазы Аԥсны Аҳәынҭқарра асоциал-економикатә ҿиара ацхыраара аҭара иазку Аинвестициатә программақәеи Аԥсны Аҳәынҭқарра аенергосистема аҿы иҟоу афымца азымхара ахарҭәаара иазку аусмҩаԥгатәқәаеи егьырҭ аекономика аусхкқәеи адгылара рыҭара иазку аҳәынҭқарратә уснагӡатәқәа рымҩаԥгара, Аԥсны Аҳәынҭқарра афымцамч ала аиқәыршәара аоптимизациа иазкны аусмҩаԥгатә рыплан (Амҩақәҵагатә хсаала) анагӡра, уҳәа азҵаарақәа жәпакы ирылацәажәеит.     

Урыстәылатәи аделегациа Аԥсны иҟазаауеит рашәарамза 15 аҟынӡа. Иарбоу аамҭа иалагӡаны Аԥсны Аҳәынҭқарра асоциал-економикатә ҿиара адгылара аҭара иазку Аинвестициатә программа аҳәаақәа ирҭагӡаны иргылаз, мамзаргьы еиҭашьақәргылоу аобиектқәа ирҭаараны иҟоуп. Иазԥхьагәаҭоуп иара убас В.Г.Арӡынба ихьӡ зху Жәларбжьаратәи аҳаирбаӷәаза «Аҟәа» аусура ааиҭахацыркра азы аинвестициатә проект  анагӡара ахылаԥшра аҭара азы аусуратә гәыԥ аилатәара.