Рашәарамза 11, 1992 шықәса рзы Урыстәылатәи Афедерациа Иреиҳаӡоу Ахеилак аҿы рашәарамза  12 арыцхә аныҳәатә иусуратәым амш астатус аҭаразы аӡбамҭа рыдыркылеит.  Ари Амш Урыстәылатәи Афедерациа аҳәынҭқарратә суверенитет азы Адекларациа адкылара Амш ҳәа иԥхьаӡахеит.

2002 шықәса инаркны ари амш Урыстәыла Амш ҳәа иазгәарҭоит.  

Ари аныҳәамш аламҭалазы Аҟәа ақалақь, С.Ҷанба ихьӡ зху Аԥснытәи адраматә театр аҿы Аԥсны Аҳәынҭқарратә хортә капелла  аконцет мҩаԥысит.  Аконцерт апрограмма иалагалан адунеизегьтәии аурыс классикеи рырҿиамҭақәа, аԥсуа, аурыс жәлар рашәақәа, ауахәаматә шәаҳәара. Акапелла Аԥсни Урыстәылеи рҳәынҭқарратә гимнқәа нанагӡеит.

Аусмҩаԥгатә еиҿкаан Москава Анапхгара, Москва ақалақь адәныҟаекономикатәи жәларбжьаратәии аимадарақәа Рдепартаменти Москватәи аџьынџьуаҩ Иҩни иҟарҵаз адгылара иабзоураны.   

Иахьа, рашәарамза 12, асааҭ 12:00 рзы, акультура-усутә платформа «Гәыма» аҿы имҩаԥгахоит урыстәылатәи аидгьылуааи апрофесионалтә артистцәеи рхаԥшьгаратә коллективқәа рконцерт. Иара уааҵәҟьа еиҿкаахоит афотоцәыргақәҵа «Многоликая Россия». Аусмҩаԥгатә еиҿнакаауеит Аԥсны иҟоу урыстәылатәи аидгьылуаа Ркоординациатә Хеилак.

Асааҭ 19:00 рзы Аԥсны иҟоу Урыстәлатәи Афедерациа Аҷыдалкаатә Зинмчы змоу Ацҳаражәҳәаҩ Михаил Шургалин Урыстәыла Амш инамаданы аныҳәатә дкылара еиҿикаауеит.