Апроект афлешмоб анапхгаҩы,  WOW апрезидент, апоет, аҭыжьыҩ Маргарита Аль.

Аонлаин-режим ала аусмҩаԥгатә рҽахьырыгӡеит: Великобританиа, Сербиа, Австриа, Германиа, Ирак, Шьамтәыла, Афганисҭан, Марокко, Беларуссиа, Франциа, Бразилиа, Колумбиа, Азербаиџьан, Ҭаџьыкьысҭан.

Араҟагьы еицырдыруа ахьӡқәа алахәхеит: Лидиа Григориева, Ольга Медведко, Алеқсандр Раткевич, Виктор Клыков, Рубен Флорес, Варис Елчиев, Абдукаххор Коссим.

Апоет дуӡӡа Алеқсандр Пушкин иажәеинраалақәа адунеи еиуеиԥшым абызшәақәа:  англыз, араб, афранцыз, испаниатәи, азербаиџьантәи, португалиатәи, киргизтәи, ҭаџьыкьтәи, фарси, уҳәа абызшәақәа рыла иаԥхьеит.

Аԥсны жәлар рпоет Баграҭ Шьынқәба еиҭеигаз ажәеинраала «Ашәҭ» («Цветок») ихатәы аԥсуа бызшәала даԥхьеит амилаҭтә маҭәала еилаҳәаз Афедералтә ҳәынҭқарратә биуџьеттә ҵарадырратә усбарҭа «Амилаҭтә ҭҵаарадырратә Москватәи аҳәынҭқарратә аргыларатә Университет» (НИУ МГСУ) астудент Осман Зекир-оглы.

Владимир Делбеи егьырҭ  ҳтәыла ахаҭарнакцәеи алахәылацәа ирзеиҭарҳәеит Аԥсны заҟа ҳаҭыр ақәырҵо Пушкин дуӡӡа иҟазара, есышықәса апроект игәалашәара амшқәа шеиҿкаахо, иҩымҭақәа рацәаны аԥсуа бызшәахьы ишеиҭагоу, Аԥсны жәлар рпоет Мушьни Лашәриа еиҭеигаз иажәеинраалоу ароман «Евгени Онегин» уахь иналаҵаны.

Иуҳәар алшоит А.С.Пушкин игәалашәара иазкны еиҿкааз афлешмоб қәҿиарала имҩаԥысит ҳәа: иҳаракны,  рҿиарала, имарианы, - уи, жәаҳәарада, адунеи ажәларқәа ркультурақәа реизааигәахара апроцесс ахь акыр зҵазкуа лагаланы иҟалеит.  

Абри атәы Аԥсныпресс акорреспондент диҿцәажәо иҳәеит ашәҟәыҩҩы Владимир Делба.